Aiaraldea Ekintzen Faktoria banatzaile lanetan ibiliko den pertsona baten bila dago. Lan deialdi honetan interesa duten pertsonek maiatzaren 26a (asteartea) baino lehen bidali beharko dute curriculuma lanpoltsa@aiaraldea.eus helbidera.
Lan deialdiko kronologia
- Maiatzak 14: Lan deialdiaren zabalpena.
- Maiatzak 26: Aurkezpen gutuna eta CVa bidaltzeko azken eguna.
- Maiatzak 27-29: Jasotako hautagaitzen azterketa.
- Maiatzak 29: Elkarrizketak
- Ekainak 3: Laneratzea
Banatzaileak eskualde osotik AIARALDEA HEMEN hamabostekaria eta bestelako herri aldizkari eta euskarri puntual batzuk banatu beharko ditu.
Eskatzen da
- Gida baimena izatea.
- Kotxe propioa izatea.
- Jendearekin harremantzeko gaitasuna.
- Euskaraz aritzeko gaitasuna
- Lan taldean egiteko gaitasuna.
Baloratuko da
- Banaketa lanetan esperientzia izatea.
- Eskualdeko ezagutza izatea.
- Pertsona dinamikoa eta autonomoa izatea.
Eskaintzen da
- Euskararen eta eraldaketa sozialaren esparruan proiektu bizigarri baten parte izatea.
- Lantalde dinamiko baten partaide izatea.
- Hilabetean %33ko lanaldia. Astean 13 ordu.
- Banatzailearen lan orduak ez dira homogeneoki banatzen, hau da, hilean egun puntual batzuetan (normalean 6 egunetan) pilatzen dira ordu horiek.
- Hilabeteko soldata: 600€ gordin, 14 ordainsaritan.
- Beharrezko banaketak egiten direla ziurtatzeko, banatzaileak oporrak hartu ezin ditzakeen une zehatz batzuk finkatuko dira, horiek aldez aurretik banatzailearekin kontrastatuko direlarik.
Lanpostuaren inguruko zalantzarik izatekotan deitu 946 56 85 54 telefonora edo idatzi lanpoltsa@aiaraldea.eus helbide elektronikora.