Amurrion, Artziniegan eta Aiaran elkarretaratzeak egin zituzten atzo Saida El Yousif 44 urteko emakumearen hilketa matxistaren kontra. Mugimendu feministak deitu zituen mobilizazioak Amurrion eta Artziniegan eta Udalak Aiaran.
Arguedasen astelehenean gertatu zen hilketa eta aurten Euskal Herrian jazotako laugarrena da jadanik. Nafarroako krimen matxistaren kasuan, emakumearen senarra izan da hiltzailea, berak aitortu duenez, eta kartzelan dago.
Aipatutako udalerrien kasuan, gogoratu beharra dago Aiaraldeko Kuadrillak zenbait bitarteko jartzen dituela genero indarkeria kasuei aurre egiteko Artziniegan, Okondon eta Aiaran eta honako hauek direla:
- Arreta (gizarte langilea) 8:00-15:00, astelehenetik ostiralera: 681 08 41 18
- Informazioa (Berdintasun teknikaria) 8:00-15:00, astelehenetik ostiralera: 686 587 889
- Urgentziazko Gizarte Zerbitzuak (24 ordu): 945 13 44 44
- Arreta Telefoniko espezializatua (24 ordu): 900 840 111
- Larrialdiak: 112
Halaber, existitzen dira laguntza jasotzeko bestelako bideak:
- Sexu indarkeria biktimentzako 24 orduko krisi zentroa (TXIMELETAK): 650 801 080
- Gizarte Larrialdietarako Zerbitzua: 945 16 12 10