Hamaika egun geratzen dira 2026ko Araba Euskaraz jaiaz gozatzeko. Azken asteetan tantaka egitarauaren aurrerapenak eskaini ostean, dagoeneko iragarri dute ekainaren 14rako prestatutako programazio oparoa bere osotasunean. Taupadak berpiztu! lemapean, Aresketa Ikastola hauspotzeko baliatuko dute aurtengo hitzordua, goizetik iluntzera arte luzatuko den ekitaldi sortarekin.
Hiru gune
Ikastolan bertan 10:00etan egingo duten ekitaldiarekin emango diote hasiera egunari. Jarraian, Aresketatik herrigunera jaitsiko da festa-giroa. Hiru gune nagusi atondu dituzte Ikastolaren aldeko jaian bildu dituzten ekitaldi guztiak banatzeko: gune bat parkean eta bi gune Refor kirol-gunearen inguruan. Gune guztietan egongo da jan-edana, beste hainbeste zerbitzurekin batera.
Dantza ikuskizunak, haurrentzako tailer eta jolasak, kalejirak, zunba, Porrotx eta Marimotots, herri-kirol erakustaldiak... adin eta gustu guztientzako jarduerekin osatu dute hiru guneetako egitaraua.
Musika eskaintza zabalak osagarrituko du Araba Euskaraz jaia. Aipatutako hiru guneetan banaturik Euskal Herri luze zabaleko talde ugari izango dira Amurrioko oholtzan: EH Sukarra, Ganibet, Nafarroa 1512, Akerbeltz edota Bad Sound, batzuk aipatzearren. Tokiko uzta ere ez da faltako, Belgorri seikote amurrioarrak kontzertua eskainiko baitu parkean 14:30ean.
Asteburu osoko plana
Antolakuntzatik asteburu osoan Amurriora bertaratzeko deia egin diete Euskal Herriko hamaika txokotatik bertaratuko diren milaka lagunei. Horretarako, ekainaren 14tik harago ere hedatu dute programazioa.
Ekainaren 12an, ostirala, Kantuz taupadak berpiztu! ikuskizuna eskainiko dute Amurrio Antzokian. Larunbatean, aldiz, Amurrioko XCO sariketaz, Arabako Herriarteko Euskal Pilotako txapelketaren finalaz edota Gazte Asanbladako kideek antolatutako Gazte Egunaz gozatzeko gonbita egin du Aresketa Ikastolako hezkuntza komunitateak.
EGITARAU OSOA
Parkea, 'Bihotza' gunea
11:30 // Araba Euskaraz dantza topaketa! - Aiara Dantza Taldea
12:30 // Herri Kirolak - Vital Fundazioaren eskutik
13:00 // Ugarte Otxotea
14:00 // Belgorri
16:00 // EH Sukarra
17:30 // Akerbeltz
Tailerrak eta jolasak
11:00-13:00 // Apdemaren txokoa
11:00-14:00 // Haurren basoa
11:00-14:00 // Berriaren txokoa - Asier Kidam-en gertuko magia
EGUN OSOAN ZEHAR
Euskaltelen kukaña bizikletaz
Refor, 'Txinparta' gunea
11:00 // Porrotx eta Marimotots - Arabako Ikastolekin Irri, Kantu eta Dantza
12:30 // NUN - Gazte Talent
14:00 // Ganibet
15:30 // Nafarroa 1512
17:00 // Bad Sound
Tailerrak eta jolasak
11:00-14:00 // Argitxoren txokoa - Argitxorekin jolasean!
11:00-14:00 // Kaiku baserri txokoa - Zatoz behia jeztera eta tailerrera!
EGUN OSOAN ZEHAR
Eroski elikadura eskola
Refor, 'Taupadak' gunea
12:00 // Zunba - Izaskun del Cerro
13:30 // Loa eta Laia zuzenean!
15:00 // Yogurinha Borova - Amona Molona
17:00 // Patxi eta Konpania - Araba Euskaraz Dantza Plazan
Tailerrak eta jolasak
11:00-14:00 // Kirikiño Aisialdi Taldea - Tailerrak eta jolasak
11:00-14:00 // Amurrioko Xake Taldea - Xake partidak
EGUN OSOAN ZEHAR
Puzgarriak, Ihobe Klima Azoka eta Makusi gunea.