Abian dira Aiaraldeko pilotari gazteen topaketak

Aimar Gutierrez Bidarte 2026ko ekainaren 10a

Lagunarteko binakako partidak jokatuko dituzte, bikoteak astebururo aldatuz. / Aiaraldea.eus

Aiaraldeko pilota klubek indarrak batu dituzte berriro eta pilotari gazteen II. topaketak antolatu dituzte. Ikasturtean pilotan aritzen diren herri desberdinetako gazteek elkar ezagutzea dute helburu nagusia.

Iazko esperientziatik tiraka, indarrak batu dituzte berriro ere Urduña, Amurrio, Laudio eta Arrankudiaga-Zolloko pilota klubek. Aiaraldeko pilotari gazteen II. topaketak antolatu dituzte elkarlanean. Ikasturteak iraun bitartean pilotan aritzen diren gazteek, uda sasoian ere, aisialdirako eskaintza izan dezaten.

Lau asteburuz luzatuko da ekimena. Iragan ekainaren 7an burutu zuten lehenengo topaketa Arrankudiagako pilotalekuan. Bigarrena, aldiz, ostiral honetan egingo dute, Amurrioko pilotalekuan, 18:00etatik aurrera. Ekainaren 20an Urduñan elkartuko dira, eta, azkenik, ekainaren 26an Aretan egingo dute azken geldialdia.

Pilotan dabiltzan herri desberdinetako gazteek elkar ezagutzea dute xede antolatzaileek. Horretarako, iaz egin bezala, binakako lagunarteko partidak jokatuko dituzte baina astebururo bikoteak aldatuz joango dira, gazteak elkarren artean ahalik eta gehien nahasteko.

Kirola

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide