Aiaraldeko Kuadrillako zabor bilketako langileek greba mugagabera joko dute uztailaren 20an, lan hitzarmena dela eta

Aitor Aspuru Saez 2026ko uztailaren 10a
Deskargatu Info Ahotsak :

Hondakinak biltzeko kamioia, artxibo irudi batean. / Aiaraldea.eus

ELA sindikatuak oharra zabaldu du jakinarazteko azpikontratatutako hamaika langile finkok adostu dutela lanuztea, Prezero enpresaren lan hitzarmen eskaintza ez delako nahikoa.

ELA sindikatuak iragarri du Aiaraldeko Kuadrillako herrien (Laudio, Amurrio, Artziniega, Okondo eta Aiara) zabor bilketa zerbitzuan greba mugagabea hasiko dela uztailaren 20an.

Horren arrazoia da Prezero enpresa esleipendunak proposamen "eskasa" egin diela lan hitzarmena berritzeko. Gauzak horrela, erakundeak ziurtatu du bertan dauden hamaika langile finkoek adostu dutela greba mugagabera jotzea.

Neurri hori hartu dute "enpresak soldaten igoera KPIari lotzeari uko egin ostean". Antza, Prezeroren azken proposamenak %2ko soldata igoera aurreikusten du 2026rako eta 2027rako eta ez du KPI erreferentziatzat hartuko. Sindikatuak azpimarratu du horrek erosahalmenaren galera ekarriko diela beharginei modu iraunkorrean.

Halaber, sindikatuak aurreratu du mobilizazioari eutsiko diotela "enpresak eta Aiaraldeko Kuadrillak jarrera aldatu eta langileen eskaerei erantzuten dien proposamen bat aurkeztu arte".

Ekonomia Araba

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide