Renfeko C-3 lineako tren zerbitzua ordu erdiko atzerapenarekin ari da funtzionatzen orain. Horren ondorioz, gero eta jende gehiago pilatzen ari da tren geltokietan.
Enpresa publikoko zenbait langilek aipatu diete bidaiariei matxura gertatu dela Bidebieta-Basauriko azpiegituretan eta hori dela arazoaren iturburua.
Berez, Bidebietako geltokian egiten ari diren obren ondorioz, jadanik C-3 lineako bidaiaren iraupena hainbat minutu luzatu da, esku-hartzea amaitu arte. Esaterako, Abando eta Laudio arteko bidaiak 30 minutu irauten zuen lehen eta 40 minutu dira orain.