Errigoraren kanpaina berria ostegunean hasiko da eta Aiaraldea Komunikabideak bi saski zozkatuko ditu

Erredakzioa
Gehitu gaitzazu Googlen
Deskargatu Info Ahotsak :

Saski berdea. / Errigora

Nafarroako Hegoaldeko produktuen salmentaren %25a hango euskalgintzako eragileen jarduera finantzatzeko baliatuko dute hiru saski mota eskainita. Aiaraldea Komunikabideak bi zozkatuko ditu.

Nafar hegoaldeko uzta euskarari puzka kanpainaren edizio berria abiatuko du Errigora elkarteak ostegunean. Tokiko ekoizleak batzen dituen egitasmoak hiru saski mota salduko ditu eta eskaera egiteko epea ostegunetik azaroaren 12ra arte egongo da irekita. Horretarako, webgunea baliatu daiteke, eta eskualdean bertan jaso.

Errigorak bilduko duen diruaren %25a inguruko euskalgintzako eragileak laguntzera bideratuko dute. Zehazki, Agerraldia, AEK, Ikastolak eta Sortzen.

Ekarpena egiteko eta tokiko produktu nafartarrak gozatzeko hiru aukera eskainiko dituzte:

Saski beltza (60€)

Saski berdea (ekologikoa) (65€)

Saski gorria (75€)

Horrez gain, Aiaraldea Komunikabideak bi saski zozkatuko ditu eta parte hartzeko izena eman beharra dago hemen.

Euskara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide