GARRAIO PUBLIKOA

Tren gidarien grebak Renfeko C-3 lineako zerbitzua ia blokeatu du

Aitor Aspuru Saez
Gehitu gaitzazu Googlen
Deskargatu Info Ahotsak :

Tren gehienak bertan behera geratu dira./ Aiaraldea

Greba eguna du gaurko deituta SEMAF tren gidarien sindikatuak, eta atzo Urdan gertatutako istripu lazgarriaren eragina bistakoa izaten ari da deialdiaren jarraipenean.

Renfek eskaintzen duen tren zerbitzua ia blokeatuta dago grebaren ondorioz, eta zerbitzu minimoak baino ez dute funtzionatzen. Aspaldi deitu zuen SEMAF tren gidarien sindikatuak greba eguna gaurko, baina, atzo Urdan gertatutako istripu hilgarriak jarraipena biderkatu du, aurreko antzeko hitzorduekin alderatuta.

Aipatu beharra dago Renferen webguneak jasotzen duen online ordutegiak ez duela islatzen benetan dagoen zerbitzua, askoz murritzagoa baita. Hortaz, bidaiariek hobe dute geltokietan jarri dituzten kartelak erreferentziatzat hartzea, horiz markatuta dira indarrean dauden zerbitzuak:

Gogoratu beharra dago SEMAFen deialdiak bazuela zerikusia garatu beharreko segurtasun sistema eta neurriekin.

Jendartea
Erlazionatuak
Urriak 29 - Greba eguneko C3 lineako tren zerbitzuko ordutegiak

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide