Tokiko Bola Txapelketa une erabakigarrian sartuko da berehala. Izan ere, ligaxka amaitu ondoren, kanporaketa faseen norgehiagoken txanda heldu da eta kategoria bakoitzak bere prozedura jarraituko du. 50 lagun baino gehiago batu dira orain arteko partidetan eta garailea ebaztea falta da.
Esaterako, bikoteka final-laurdenetik hasiko dira indarrak neurtzen azken partida abenduaren 12an jokatzeko. Kategoria mistoan final-zortzigarrenetatik ekingo diote finalerako bidea egiteari eta abenduaren 12an ere argituko dute inkognita.
Emakumezkoen artean finalerdietako bi postu erabakita daude, Gurutze Badillo eta Izaro Arroitarenak. Baina beste biak final-laurdenetan ebatziko dituzte, finala abenduaren 5ean jokatzeko.
Argazkiak: Ruperto Urkijo Laudio Bolatoki Kluba