Aiaraldeko XIII. Gabonetako Erakusleiho Lehiaketa jarri du abian beste urte batez AEKOk, Aiaraldeko Enpresen Koordinaziorako Federazioak. Eskualdeko merkataritza dinamizatzeko, erakusleihoen erakargarritasuna sustatzeko eta merkataritza-sektorearen irudia indartzeko helburuarekin antolatu du ekimena.
Lehiaketan parte hartzeko izen-ematea zabalik dago jada, eta azaroaren 20ra arte egongo da horretarako epea.
Aiaraldean kokatuta dauden eta erakusleiho ikusgarria duten merkataritza, ostalaritza edo zerbitzu-establezimenduek parte hartu ahal izango dute. Gaia librea izango da, baina ezinbestekoa izango da establezimenduak ohiko jardueran saltzen dituen artikuluak edo produktuak erakusleihoan agertzea. Lehiaketan parte hartzen duten erakusleihoek abenduaren 9tik 20ra bitartean egon beharko dute ikusgai.
Izen-ematea doakoa da, eta eskualdeko hainbat elkarteren eta erakunderen bidez egin daiteke: AEME, Izan Amurrio eta Apill merkatarien elkarteetan, Laudioko Merkasaretza zerbitzuan (946 72 28 01) edo Zabaia Landa Garapenerako Agentzian.
Sari hauek irabazteko aukera dago:
- Lehenengo saria: 700 euro eta trofeoa
- Bigarren saria: 300 euro eta trofeoa
- Hirugarren saria: 150 euro eta trofeoa