Okondoko ur horniketan 1,96 milioi inbertituko ditu Arabako Foru Aldundiak eta 1,7 milioi euro eskualdeko saneamenduan

Aitor Aspuru Saez

Araztegien kontrol sistema ezartzea da helburuetako bat.

Nerbioiko Parke Linealera eta Aiara Industrial Hubera ere bideratuko du dirua.

Arabako Foru Aldundiak gaur goizean jakinarazi du zertara bideratuko duen dirua Garapen Ekonomikoaren eta Jasangarritasunaren Sailak 2027an. Guztira, 50.453.054 euroko aurrekontua izango du eta zenbait ekimen iragarri ditu Aiaraldean.

Nagusiena Okondoko ur horniketan eragingo duena izango da. Izan ere, 1.946.900,00 euro bideratuko dituzte herritarren ur kontsumorako azpiegituran.

Ez da hori izango ura hizpide izango duen jarduera bakarra. Izan ere, Nerbioi Garaiko saneamendu-sistema abian jartzea eta kontrolatzea ere izango da helburua 1,7 milioi euroren bitartez. Antza denez, azken horrek Amurrioko eta Laudioko arazketa-beharrei erantzungo die, eta Nerbioi ibaiaren arroaren ingurumen-hobekuntzan eragina izango du.

Horrez gain, Nerbioiko Parke Linealaren azken tartea, hau da, Mesones eta Urduña artekoa, gauzatu nahi du foru erakundeak eta Aiara Industrial Lab ekimenarekin ere jarraitu nahi du.

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide