Gizonezko bat zendu da gaur goizean (08:35ak aldera) Amurrion gertatutako trafiko istripuan. Furgoneta batek kamioi baten aurka aurrez aurre egin du talka A-625 errepidean, Dani jatetxearen alboan, Laudioranzko norantzan. Talkaren ondorioz furgoneta errepide ertzera zokoratu da, erabat txikituta. Larrialdi zerbitzuak ezbeharra gertatu den tokira bertaratu dira, baina hil egin da furgoneta barruan harrapatutako pertsona. Suhiltzaileek gorpua atera behar izan dute.
Errepidea moztu egin dute, bi norantzetan
Furgoneta batek kamioi baten aurka egin du talka gaur goizean A625 errepidean, Amurrio parean eta Laudioranzko norantzan. Ertzaintzak adierazi du istripua larria izan dela. Larrialdi zerbitzuak ezbeharra gertatu den tokira bertaratu dira, eta furgonetaren barruan harrapatuta geratu den petsona bat erreskatazen saiatzen ari dira. Errepidea moztuta dago, bi norantzetan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.