Amurrioko Udalak diru-laguntza jaso du Arabako Foru Aldundiaren aldetik enplegu programa abiatzeko. 7 pertsona kontratatuko ditu.
Kontratatua izateko baldintzak
Hurrengoak izango dira bilatzen dituzten profilak eta baldintzak:
-Proiektuen dinamizatzailea. El Salvador inguruan hainbat proiektu ezartzeko bideragarritasun-azterketa egingo du. Pertsona bakarra kontratatuko dute, sei hilabetez, lanaldi partzialean (%76). Lanpostu horrekin zerikusia duten titulazioetan lizentzia edo gradua izatea beharrezkoa izango da, baita urtebeteko esperientzia.
-Ekokudeaketa industriala: enpresen eta industrialdeen ingurumen-egoerari buruzko azterketa egiteko eta Amurrion ekologia industrialeko eredua sortzeko. Pertsona bakarra hartuko dute, sei hilabetez, lanaldi partzialean (%76). Profil horretan ere ezinbestekoa izango da lanpostuarekin zerikusia duten titulazioetan lizentzia edo gradua izatea eta urtebeteko eskarmentua.
-Amurrioko ibiltoki naturistikoak zaindu, mantendu eta handitzeko taldea: 5 pertsona; 4 langile eta langileburu 1, sei hilabetez, lanaldi osoan.
Langileek hurrengo baldintzak bete beharko dituzte: 44 urtetik gorakoa eta enplegu-eskatzailea izatea, Lanbiden izena emanda izatea eta langabezian egotea (gutxieneko antzinatasuna, bi urtekoa). Gutxienez, 2 urteko lanbide-esperientzia lorezaintza edo basozaintzako lanetan eta diru-sarrerak bermatzeko errenta jasotzea.
Langileburuarentzat hurrengoak izango dira eskakizunak: Enplegu-eskatzailea izatea eta Lanbiden izena emanda izatea, baita langabezian egotea (gutxieneko antzinatasuna, bi urtekoa). Gutxienez, 2 urteko esperientzia izatea, eta lorezaintza edo basozaintzako lehen mailako ofiziala izatea edo lorezaintza edo basozaintzarekin zerikusia duten adarretan LH2ko prestakuntza-maila edukitzea.
Lanbidek egingo du lehen hautaketa, eta, ondoren, Amurrioko Udalak, behin betikoa. Horretarako, elkarrizketa baten bidez eta kurrikuluma aztertuta.
Lehentasuna izango dute Amurrion erroldatuta daudenek (gutxienez, lau urteko antzinatasuna) eta azken hiru urteotan Amurriko Udaleko enplegu-programetan parte hartu ez dutenek.