LAB sindikatuak eskaera bat tramitatu du Amurrioko udaletxean, udalak azpi-kontratatuta dituen enpresetan dauden lan baldintzen ikerketa bat egitea eskatzeko. Bañueta kiroldegiko langileek egiten ari diren greba mugagabearen harira aurkeztu du sindikatuak eskaera. "Ezin dugu ahaztu, ordea, kiroldegiaz gain, beste hainbat zerbitzu publiko azpikontratatuak daudela Amurrion, eta enpresa horietan dauden langileen egoerak ere eskatzen gaitu", adierazi dute sindikatutik.
LAB sindikatuak eskaera bat tramitatu du Amurrioko udaletxean, udalak azpi-kontratatuta dituen enpresetan dauden lan baldintzen ikerketa bat egitea eskatzeko. Bañueta kiroldegiko langileek egiten ari diren greba mugagabearen harira aurkeztu du sindikatuak eskaera. "Ezin dugu ahaztu, ordea, kiroldegiaz gain, beste hainbat zerbitzu publiko azpikontratatuak daudela Amurrion, eta enpresa horietan dauden langileen egoerak ere eskatzen gaitu", adierazi dute sindikatutik.
Hori dela eta "negoziazio mahai" bat sortzea eskatu diote udalari. Negoziazio mahai horren ardura izango litzateke udalak azpikontratatuta dituen enpresen mapa bat osatu eta enpresa horien langileen lan-baldintzen gaineko ikerketa bat egitea. LABek, bere aldetik, "proposamen zehatzagoak" garatzeari ekingo diola iragarri du. Amaitzeko, "kiroldegiko langileei elkartasuna adierazteko deia" luzatu dute sindikatutik.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.