Amurrioko EAJk oharra zabaldu du salatzeko ELA sindikatuaren jarrera. Izan ere, alderdia posta elektronikoaren bitartez jabetu da greba mugagabea abiatuko dutela Bañueta Kiroldegiko langileek urriaren 17tik aurrera.
Jeltzaleek leporatu diote horren ardura ELAri, eta eskatu diote erakundeari zein azpiegitura publikoaren enpresa kudeatzaleari bilera egin dezaten akordioa lortzeko.
Alderdiak adierazi du orain ari direla hurrengo kontratuko agiriak prestatzen eta kiroldegia itxiko balitz, erabiltzaile guztiek pairatuko lituzketela ondorioak.
EAJk gaineratu du langile gehienen kontratazioak luzatu daitezkeela, baina greba eginez gero, proiektuaren jarraikortasuna bera jar daitekeela kolokan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
