Amurriok diru-laguntza eskatu dio Arabako Foru Aldundiari hiru enplegu programa sustatzeko. Horien bitartez herriko zazpi langabe sei hilabetez kontratatuko ditu Udalak.
7 pertsona 6 hilabetez
Programa horietatik bitan goi-mailako titulazioa duen pertsona bana kontratatuko litzateke. Batetik, proiektuen dinamizatzailea, El Salvador inguruan egin dezan zenbait proiektu ezar daitezkeen ikertzeko azterlana, eta, bestetik, industria-kudeatzaile ekologikoa, enpresen eta industrialdeen ingurumen-egoerari buruzko azterlana egin eta udalerrian ekologia industrialeko eredu bat sor dezan.
Hirugarren proiektua Amurrioko pasealeku naturistikoak kontserbatzean, zaintzean eta handitzean datza, eta Amurrioko naturbideetarako zenbait jarduketa proposatzen ditu. Horretarako, lau peoi eta langileburu bat kontratatuko lirateke.
% 14,5eko langabezia-tasa
Lan ekimen hauen kostua 119.981,96 eurokoa izango litzateke, eta kostu horren %100 lagunduko litzateke diruz, izan ere, AFAk horrelako diru-laguntzak Herrialdeko udalerri kaltetuenetan abiatu nahi ditu, lurraldeko batezbestekoa baino langabezia-tasa handiagoa dutenetan, alegia. Amurriok % 14,5eko langabezia-tasa du gaur egun.