Pasa den asteburuan Arnold Europe Fighters txapelketa jokatu zen Bartzelonako Firan. Bertan Euskadiko Mugendo taldea izan zen, tartean Amurrioko Ruben Martin eta Alejandro Cruz eta entrenatzaile lanetan Jesus Mª Platon.
Amurrioko kirolariek Semi Contact kategorian hartu zuten parte eta nazioarteko feria batean izanik, bertan izandako maila oso altua izan zen.
Alejandro Cruzek taldekako txapelketa irabaztea lortu zuen Jon Eguia eta Jon Ander Rego taldekideekin batera, urrezko domina eskuratuz.Ruben Martinek aldiz, bakarkako txapelketan garaipena eskuratu zuen eta Txapeldunen Artean Txapelduna kategorian garailearen gerrikoa janztea lortu zuen.
Arnold Europe Fighters Games EXPO feriaren barruan egindako txapelketa
Amurrioarrek parte hartutako txapelketa Fitness eta arte martzialen inguruan egindako nazioarteko feria baten barruko egitarauan zegoen.
Azoka hau, Arnold Schwarzenegger aktore eta kirolariak bultzatutako ekitaldia da, bertan, txapelketetez gain, kirol arropa eta elikaduraren inguruko enpresek haien produktuak erakusteko eta entrenamendurako makinak ikusteko aukera dagoen.