Amurrio Bideanek Txertatu Merkatuan programa abiaraziko du urrian eta horren aurkezpena egingo du irailaren 26an, astelehenean. Ezagutza, gaitasun eta hobbietatik abiatuta, lan-profila eraikitzen lagunduko zaie parte-hartzaileei, motibazioa eta autoestimua landuz eta enpresetako esperientziak gerturatuz.
16 eta 30 urte bitarteko gazteei zuzenduta dago programa, EMHZ ikasketak edo baxuagoak dituztenentzat edo unibertsitate-ikasketak utzi dituztenentzat. Langabezian egonda gazteen Berme Sisteman izena emanda egon beharko dute.
Profesionalek gidatuta
Sei coach profesionalek gidatuko dute 2017ko otsailera arte luzatuko den programa hau: Jorge Ortiz de Urtaranek, hainbat sari irabazi dituen coach ekintzailea eta “¿Y ahora por qué no?” liburuaren idazleak, Beatriz Lafarga pedagogak, Tania Lamarca gimnasta ohiak, munduko txapelketa birritan irabazi duenak eta 96ko Joku Olinpikoetan urrezko domina lortu zuenak, Leticia Sanchez antzerkian aditua den coacha, Sergio Ezpeleta futbolari ohia eta adimen emozionalean aditua denak eta Aitor Carmonak, “El efecto ganador” deritzon blog eta libururaren egilea eta marketing pertsonaleko coachak.
Irailak 26, aurkezpena
ReforAmurrio Enpresaldean izango da aurkezpen jardunaldia eta bertan programa garatuko duten pertsona ezberdinek metogolodia eta helburuak azalduko dituzte. Parte-hartzaileei eta haien senideei zuzenduta dago. Hala ere, Amurrio Bideanen izena ematea beharrezkoa da, 945 89 17 21 telefono zenbakira deituta edo mezu bat idatzita empresa@amurriobidean.org posta helbidera.
EAEko 500 gazte
Txertatu Merkatuan programa 2014-2020ko Gazte Enplegurako Programa Operatiboaren esparruan gauzatu da. Europako Gizarte Funtsak finantzatu du programaren % 91,89, eta Garapenek koordinatzen du.
Programa hau tokiko garapenerako beste 20 agentziatan ere gauzatzen da, eta helburua da EAEko 500 gazteri baino gehiagori aukera bat ematea benetako lan-esperientzietan parte hartzera bideratutako lan-aktibazioko ekintzetan eta programetan parte hartzeko.