Udazkenaren hasierarekin batera, Amurrioko Udalak “Natura esperientziak Amurrion” programa jarri du martxan. Hala, irailaren 30era arte Alfredo Conde laudioarrak Arabako Parke Naturaletako faunari egindako argazkien erakusketa bat ikusgai egongo da La Casona espazioan.
Horrez gain, aurreko ikasturteetan bezala, herriko Lehen Hezkuntzako bigarren mailako ikasleek bisitaldia egingo dute Juan Urrutia parkera. Bertan kutxa habiak ezagutzeko aukeraz gain, herriko espezieak landu eta argazki erakusketa bisitatzeko parada izango dute.
Familia irteera
Berrikuntza modura, aurten familia irteera bat egingo dute urriaren 1ean, larunbatean. Goikomendi-Kuxkumendi parkeko ingurutik egingo dute ibilaldia, bertako flora eta fauna espezieak ezagutzeko helburuarekin. Egun horretako egitaraua 10:00etan hasiko da, Telefonikako geltokitik autobusak hartzean. Ibilbide gidatua eta natura behaketa lantegiak egingo dituzte 10:30etatik 12:30etara. Ondoren familiek partekatzeko eramango dituzten janariekin hamaiketakoa egingo dute. Amurrion bukatuko da ekintza 13:30tan.
Plaza mugatuak daude, beraz, izena ematea beharrezkoa izango da. Horretarako jo litereke Amurrioko Udalera edo Turismo Bilegora irailaren 29a baino lehen.