Amurrioko Udalak bisitaldi gidatuak burutuko ditu Elexazarreko aztarnategira irailaren 24 eta 25ean, bertako arkeologia-ondarea ezagutzera emateko helburuarekin. Proiektuaren zuzendaria den Juanjo Hidalgok gidatuko ditu ibilaldiak. Oinez egingo dira eta hiru orduko iraupena izango dute. Parte hartzeko aldez aurretik Kultur Etxean izena ematea beharrezkoa izango da.
San Roketik Elexazarrera
Ibilaldia San Roke auzoko baselizan hasiko da goizeko 10:30etan. Haritz eta gaztainondo basoetatik gora, ondare txikiko hainbat elementu gertutik ezagutzeko aukera izango da, izan ere, duela urte batzuk ikaztegi eta erizera batzuk berreskuratu eta kontsolidatu zituzten.
Desnibel handiko pinudi bat igaro ondoren, Elexazarreko bisitaldia hasiko da. Bertan, Hidalgok aztarnategia tokian eta erromatarren garaiko euskal testuingurun kokapena egingo du. Aztarnategiko sektore derberdinetatik pasatuz, kontserbatu diren egituren eta haien kronologiaz arituko da, erabilera posibleak, abandonatuta utzi izana, eta arkeologia multzoak egungo ikerketan duen garrantziaz hitz egiteaz gainera.