Doako matrikulazio kanpaina bat jarri du martxan Amurrioko Bañueta Kiroldegiak. Irailaren 30ra arte kiroldegian doan matrikulatzeko aukera izango du Aiaraldeko edozein herritarrek. Kiroldegira bertaratu behar da matrikula egiteko.
Kiroldegiaren ordutegia:
-
Astelehenetik larunbatera, 08:00etatik 22:00etara.
-
Igande eta jaiegunetan, 09:00etatik 14:00etara.
Telefonoa: 945 393 642
Matrikula egiten duten herritarrak sei hilabetez egon beharko dira gutxienez matrikulatuta (2017ko otsailera arte), eta hilabete bakoitzeko kuota ordaindu beharko dute.
Matrikula egiten dutenek honako abanataila hauez gozatu ahal izango dute:
*Kiroldegiko azpiegituren erabilera askea (bi igerileku klimatizatuak, muskulazio-gela, kirol-kantxa, squach-a, eskaladarako boulderra, erabilera anitzeko gelak, hidromasaje-bainuontziak, sauna, turkiar bainua eta dutxa ziklonikoa).
*Doako sarrera Amurrioko udako igerilekuetara (bazkideak urtarriletik).
*Deskontuak Kiroldegian eskaintzen diren ikastaro guztietan.
*Lehentasuna ikastaroetan eta squash eta kirol-kantxaren erreserban.
*Doako sarrera Tolosa, Hondarribia, Billabona, Lizarra eta Caparrosoko kiroldegietan, Amurrioko Kiroldegiko baldintza beretan.
Ikastaroak
Hortaz gain, irailean amaitzen dira baita kiroldegiko ikastaroetan izena emateko epea. Bi ikastaro mota egongo dira, hiruhilekoak eta urte osoko iraupena izango dutenak.
Hiruhileko iraupena izango dute cyclo-spinning eta haurrentzako zein helduentzako igeriketa ikastaroek. Irailaren 19an irekiko da kurtso horietan izena emateko epea eta 22an itxiko da.
Urte osoko ikastaroak izango dira, berriz, ondorengo ikastaroak: aquagym, tonicycling, zumba fitness, zumba gold, zumba kids, step, GAP, GAP y +, mantenu gimnasia, nagusientzako gimnasia, batentzako gimnasia, sorbaldarentzako gimnasia, gimnasia leuna, balanced training, uretako gimnasia leuna, hipopresiboak, pilates, yoga, areto dantzak, dantza latinoak, estilo igeriketa eta igeriketa zuzendua. Hilaren 26tik 29ra biatrtean eman ahalko da izena ikastaro horietan.
Jende kopuruak plaza kopurua gainditzen badu zozketa bidez adjudikatuko dituzte, bhaina bazkideek lehentasuna izango dute.