Spider Abel korrikalari amurrioarrak bere 52. maratoia egingo du igande honetan, Logroñoko maratoian. Pasa den maiatzaren 15ean, bere 50. Maratoia osatu zuen eta ekitaldi hartan bezala, Montes Solidarios ekimenaren aldeko diru-bilketa bat prestatu du Amurrioko kirolariak.
Montes Solidarios ekimena
Montes Solidarios ekimena irabazi gabeko eta adimen gaitasun anitza dituzten pertsonak laguntzeko elkartea da, non euren helburu nagusiena da pertsona horiek mendian zehar egiten diren ekintzak egin ahal izateko erraztasunak bilatu eta antolatzea.
Ekintza horiek egin ahal izateko teknika eta era asko daude pertsonak laguntzeko eta elkarteak haiek eta haien laguntzaileak hezi eta entrenatzen laguntzen du.
Horren adibide dira itsuentzako mendi gidarien formakuntza edota eskalada eta eskian mugikortasun murriztua dutenentzat prestatutako pertsonak izatea.
Spider-Abelek maratoian egingo duen denbora izango da apustugaia
Abelek kartel ugari jarri ditu Amurrio, Laudio eta Logroñon bertan. Karteletan maratoian lortuko duen denbora izango da apustugai eta denda edo taberna bakoitzean sari ezberdinak jarri ditu.
Apustuak hiru euro balioko ditu eta markatutako denborara gehien hurbiltzen denak irabaziko du saria.