Aiara Dantza Taldea kide berriren bila ari da eta irailaren 12tik 22ra zabalduko du aurten izena emateko epea. Kultur elkarteak hiru aukera eskaintzen ditu: haur eta gazteentzako eskolak batetik, helduentzat bestetik, eta dantza plaza ikasteko. Talde guztiek, gehienez, hogeita bost lagunekoak izango dira.
Umeek, hau da, 5 eta 16 urte bitartekoek, asteazken eta ostiralean egingo dituzte saioak El Refor gimnasioan 17:00etatik 18:00ak arte. Nagusiagoak, berriz, asteazkenetan bilduko dira, 18:00etatik 19:00ra arte, erromerietarako dantzak ikasteaz gain, plazan egitekoak ere ikasteko.
Aiara Dantza Taldearen dantzaldietan parte hartzeko aukera izango dute. Helduei ere dantza plaza ikastaroan parte hartzeko parada emango diete, erromeria-dantzak ikasteko. Saio horiek larunbatetan izango dira, 13:00etan.
Urteko kuota orokorra 30 eurokoa da dantza plazako kideentzat ez ezik, horiek 20 euro ordaindu beharko dituzte eta. Antolakuntzak azpimarratu du ikastaroetan izena ematen dutenei ez zaiela dirua itzuliko baldin eta bertan behera uzteko arrazoia taldearen erantzukizuna ez bada.