Amurrioko Udalak 30.000 euro esleitu ditu Lankidetzarako Euskal Erakundeen Elkartea (Euskal Fondoa) lantzen ari den hiru lankidetza proiektura. Nikaragua, Guatemala eta El Salvadorreko bizi kalitatea hobetzera bideratuko da diru hori (10.000 euro herrialde bakoitzeko).
Nikaragua
Edateko ura lortzeko sistema baten lehen fasea eraikitzeko baliatuko da Nikaraguara bideratuko den dirua. 820 biztanle dituen Melchorita landa-komunitatean eraikiko da azpiegitura hori. Honako gauza hauek egingo dira: ponpaketa-putzu bat, etxola bat, ura biltzeko gordailu bat eta putzu bat babesteko lanak. Hortaz gain, komunitate horretako etxeetan ur-kontagailuak jarriko dituzte, eta sentsibilazio kanpaina bat ere egingo da, hirigunearen eta ingurumenaren arlokoa. Emakumea komunitatearen kudeaketan txertatzeko kanpaina bat ere egingo dute.
Proiektu horri buruzko informazio gehiago hemen.
El Salvador
El Salvadorreko dirua “Norte de Morazán” eskualdera bideratuko da. 11.068 pertsona bizi dira eskualde horretan. Udal programak garatzeko baliatuko da dirua. Programa horiek genero berdintasuna bermatu eta jendarte-egoera ahulean dauden taldeak jendarteratzea izango dute xede. Hortaz gain, eskualdeko bost udalerrietan proiektu integral bat egitea ere da asmoa, “uraren, saneamenduaren eta higienearen arlokoa”.
[video:https://vimeo.com/123391889]
Guatemala
Guatemalara bideratuko diren 10.000 euroak landa-bide baten lehen fasea gauzatzeko baliatuko dira (5.930 metroko luzera eta sei metroko zabalera izango duena). 280 biztanleko Sechinamuy auzoan egingo da bide hori.
Proiektu horri buruzko informazio gehiago hemen.