Arabako Foru Aldundiak ur andel berria jarri du Lexartzu inguruan Amurrioko hornidura bermatzeko, nahiz eta matxurak, konponketak, garbiketak edo suteren bat egon.
Foru erakundeak depositu berri hori finantzatu du 398.299,29 euroko aurrekontuarekin. Hari esker Amurrio urez hornitzeko sistema osatu eta indartu da, izan ere, orain arte Lexartzu eta Axpuruko ur andel zaharren bidez hornitzen zen, baina ez zen nahikoa ur hornidura bermatzeko.
Depositu berriak 3.250 metro kubikoko bolumena dauka eta lotura du Izoriako urak tratatzeko araztegiko (EUA) hoditeriarekin zein Amurrioko banaketa sarearekin. Halaber, telekontroleko elementuak instalatuko dira, hornidura sistema guztia optimizatuko dutenak.
Paisaiaren integrazioa
Proiektu hau egitean inguruko ingurumena itxuraberritu eta paisaia integratzea ere aztertu da. Neurri zuzentzaileak ezarri behar dira obren ondoriozko kalteak eta obrek landarediari eragindakoa arintzeko.
Obretarako behar izan diren lurrak Arabako Aldundiaren eskura jarri ditu Kantauriko Urkidetzak. Hemendik aurrera ur partzuego horrek kudeatuko dituu andelaren ustiaketa eta mantentze lanak.