XXIII. Artzain Eguna irailaren 18an ospatuko dute Amurrion. Artzainek egiten duten lana omentzeko ez ezik, nekazaritza eta abeltzaintza bultzatzeko ere baliatuko da jaia beste behin. Egun horretan jarduera ugari eskainiko dira, goizetik arratsaldera.
Goizeko 10:00etatik hasita, txakolin, gazta zein baserriko eta artisautza-produktuen erakusketa eta salmenta azoka egingo dute Juan Urrutia eta San Anton plazetan. Bertaratutakoek, gainera, hainbat produktuen dastaketetan parte hartzeko aukera izango dute, izan ere, egun horretan gazta, ardikia, gaztazaharra eta ardia probatzeko parada egongo da.
Egun horretan ere Latxa Arrazako Ardien Lehiaketaren XXIII. Edizioa eta Idiazabal sor markako Ardi Gaztaren X. Txapelketak egingo dituzte. Arratsaldean, ohi bezala, artzain txakurren lehiaketa jokatuko dute, aurten XVIII. Edizioan.
Arabako artzainei omenaldia
Bestalde, gazta egiteko eta ardiei ilea mozteko tekniken erakustaldiak egongo dira Juan Urrutia plazan eta udal frontoian. 13:30etan Arabako artzainei omenaldia egingo diete.