Aiara Dantza Taldea kide berrien bila ari da eta irailaren 12tik 22ra zabalduko du aurten izena emateko epea. Kultur elkarteak hiru modalitate eskaintzen ditu: haur eta gazteentzako eskolak batetik, helduentzakoak bestetik eta dantza plaza ikastekoak. Talde guztiek, gehienez, hogeita bost lagunekoak izango dira.
Umeek, hau da, 5 eta 16 urte bitartekoek, asteazken eta ostiralean egingo dituzte entseguak, El Refor gimnasioan, hurrengo ikasturtean, 17:00etatik 18:00ak arte. Nagusiagoak, berriz, asteazkenetan bilduko dira, 18:00etatik 19:00ra arte, erromerietarako dantzak ikasteaz gain, plazan egitekoak ere ikasteko. Aiara Dantza Taldearen dantzaldietan parte hartzeko aukera izango dute. Helduek ere dantza plaza ikastaroan parte hartzeko aukera izango dute, erromeria-dantzak ikasteko. Saio horiek larunbatetan izango dira, 13:00etan.
Urteko kuota orokorra 30 eurokoa da dantzaplazako kideentzat ez ezik, horiek 20 euro ordaindu beharko dituzte eta. Antolakuntzak azpimarratu du ikastaroetan izena ematen dutenei ez zaiela dirua bueltatuko baildin eta bertan behera uzteko arrazoia taldearen erantzukizuna ez bada.