Amurrioko ikastetxe publikoetan konponketak burutuko dituzte uda honetan. Lukas Rey eskolan patioko zorua txukunduko dute, haur-hezkuntzako komunetako bat zaharberrituko dute eta beheko solairuko ikasgelek dituzten hezetasun arazoak konponduko dituzte. Zabalekon, bestetik, gimnasioko lurzorua egokituko dute.
Lan guzti hauek ikasturte berria hasi aurretik burutuko dituzte, ikastetxeen eguneroko jarduna ez oztopatzeko. Josune Irabien alkateak adierazi duenez, “Udalak jasotzen diren eskakizunen artean premia handiena dutene erantzungo die”, izan ere, egunero 582 ikaslek erabiltzen dituzten instalazioak dira bi ikastetxe horienak, irakasle eta bestelako langileez gain.
Guztira, 50.000€ inbertituko ditu Udalak lan hauetan. Eusko Jaurlaritzaren diru-laguntza bati esker horren %60a jasoko du Amurriok.
Futbol eta rugby zelaien onbideratzea
Kirol taldeen udako etenaldia aprobetxatuz eta aurredenboraldira begira prest egon daitezen, Basarteko futbol zelaia eta El Reforreko rugby zelaiaren onbideratzea ere burutzen ari da Amurrioko Udala. Belar naturaleko espazio horietan, besteak beste, lurra sastatu eta ereingo dute, horren trinkotzea aritzeaz gain. Errugby esparruan ihinztagailuak instalatu dituzte urte osoan zehar hezatasuna mantentzeko. Guztira 6.400€ inbertituko ditu Udalak lan horietan.