Abuztuaren 16an Amurrion ospatuko den aurresku, fandango eta arin arin txapelketan inskripzioak burutzeko epea zabalik egongo da abuztuaren 8ra arte. Aurten Aiara Dantza Taldeak antolatzen duen lehiaketa honen 51, edizioa da.
Plazak mugatuak egongo dira eta soilik onartuko dituzte 12 aurreskulari eta 6 fandango eta arin-arin bikote. Hori dela eta, plazak izen ematearen ordenaren arabera esleituko dira, Aiaraldearrek lehentasuna izanik. Izena emateko mezu bat idatzi behar da aiaradantzataldea@gmail.com, parte hartzailearen izen abizenak eta herria adieraziz. Parte hartzaileen behin betiko zerrenda posta bidez zabalduko dute abuztuaren 14a baino lehen.
Sari berezia aiaraldearrentzat
Txapelketan Uriko aurreskuaren doinuz joko dute txistulariek jota. Lehenik desafioa, ondoren eskuz eskukoa, zortzikoa eta azkenik kontrapasa. Ohiko sariez gain, Aiaraldeko aurresku onena ere sarituko dute. Fandangoa eta arin arina trikitixa edo alboka eta panderoz joko dute. Lehiaketa horren nondik norako guztiak Aiara Dantza Taldearen blogean kontsultatu daiteke (aiaradantzataldea.wordpress.com)