Aurten bigarren urtez ospatuko dituzte Goikolarra auzoko jaiak uztailaren bigarren asteburuan, bihar eta etzi, hain zuzen. Iaz berreskuratu zituzten auzokideek ospakizun hauek 14 urteko geldialdiaren ostean.
Jaiak ostiralean hasiko dira, haurrentzako emanaldi batekin, izan ere, Irrien Lagunak taldea izango dute 'Tiritatxoren bisita' ikuskizunarekin. Ondoren pintxopotea egongo da bertaratutako guztientzat.
Hala ere, jaiak larunbatean, uztailaren 9an hasiko dira. 12:00etan jaurtiko dute txupinazoa eta ekingo diote egun osoko egitarau zabalari.
Goizean zehar haur zein nagusien igel-toka txapelketak egongo dira. Arratsaldean umeak izango dira protagonista. Aurpegiak margotzeko tailerra egongo da eta hainbat jolas, motorren lasteketa barne. Gainera, aspaldi ere egiten zen Landaburugoiko kaleko hormaren margoketa burutuko dute txikienek. Tradizioa berreskuratuz.
Gauean musika nagusi
19:30etatik aurrera sevillanak dantzatzeko aukera egongo da. 21:00etatik aurrera eta 02:30etara arte Xaibor diskofestak musikaz beteko du plaza. Gauerdian txokolate jana egingo dute eta jaiari amaiera emateko 3:00etan igel-toka txapelketa egingo dute.