MARIA ITURBE, AYAE MARTINEZ, UXUE ALONSO (Amurrio, 2004) Lukas Rey Ikastetxeko ikasleak dira eta aurten matematika olinpiadak irabazi dituzte. Esperientzia horren nondik norakoak azaldu dituzte.
Duela gutxi irabazi duzue Arabako Matematika Olinpiadak. Nolakoa izan zen lehiaketa?
Bi zatitan banatuta zegoen. Lehenengoan banakako proba egin genuen eta, ondoren, taldekoa. Proben artean 45 minutuko atsedenaldia izan genuen. Azkenean, sari banaketa areto nagusian egin zen.
Zer egin behar izan duzue garaitzeko?
Taldeko probak ondo egin behar ziren.
Zenbat talderen aurka aritu zineten?
Hamabost talde aritu ginen.
Noiz erabaki zenuten parte hartzea olinpiadetan?
Pasa den urtean 6. mailakoek parte hartu zuten eta esperientzia interesgarria izan zenez ,aurten ere parte hartzea erabaki genuen.
Nork proposatu zuen?
6.mailakako matematikako irakasleek proposatu ziguten.
Entrenatu duzue olinpiadetan parte hartzeko?
Bai ikasturtean zehar landu dugu .
Zer eragiketa mota egin izan dituzue?
Logika eta arrazonamendu ariketaz gain matematika liburuan datozenak. Aurreko urteetan lehiaketa honetan ateratako hainbat ariketa ere bai.
Publikoa zegoen partidetan?
Ez. Irakasle batekin zegoen talde bakoitza gela ezberdin batean.
Zertan datza saria?
Pentsatzeko puzzlea eta diploma.
Hurrengo ikasturtean ere lehiatuko zarete?
Lehiaketa 6.mailako ikasleei zuzenduta dagoenez guk ez, baina izan daiteke hurrengoak baietz.