'Oporretan ere euskaraz' aisialdi programa abituko dute aurten ere Amurrion. Uztailaren 1etik 29ra aire zabaleko euskarazko ekintzak burutuko dituzte partehartzaileek eta ekainaren 1etik 10era egongo da izena emateko epea zabalik. 5 eta 12 urte bitarteko haur guztiak parte hartu dezakete ekimen honetan.
Uda garaian burutzen den udal programa honek euskararen erabilera bultzatzea du helburu. Horretarako hainbat ekintza egiten dituzte: Kirolak, igerilekuetako animazioa, jolasak eta herriko auzoak zein inguruko mendiak ezagutzeko irteerak. Gainera, hamabostean behin txangoak egiten dituzte.
Izen emateak
Kultur Etxean entregatu beharko da izen emate orria eta ordainagiria. Matrikularen prezioa 54,16 eurokoa da Amurrion erroldatutakoentzat, eta 106,33 eurokoa bertan erroldatuta ez daudenentzat. Bi neba-arrebak edo gehiagok parte hartuz gero, bakoitzak 48,74 euro ordaindu beharko luke Amurrion erroldatuta badaude, eta egon ezean, 102,90 euro. Ordainketak Euskadiko Kutxan Amurrioko Udalak duen 30350089180890020005 kontu korronte zenbakian egin beharko dira. Ekainaren 17an onartutakoen zerrenda jendaurrean jarriko da Kultura Etxean.