Amurrio Club futbol taldeak puntu bakar bat behar du hurrengo urtean 3. mailan jokatu ahal izateko. Hiru jardunaldiren faltan Amurrioko taldeak bederatzi puntu ateratzen dizkio 2. sailkatuari baina “gol-average”-a kontra dauka aiaraldeko taldeak, joanekoan 1-2 galdu baitzuen eta azken jardunaldia elkarrekin jokatu beharko dute.
Igoerarako lehen aukera igande hontan izango du taldeak Araiako Alipendiren aurkako partidan Dulantzin. Alipendi azken aurreko sailkatua da eta matematikoki kategoria galduko duen taldea da, beraz Amurrioko taldea faborito nagusia da partiduko hiru puntuak eramateko.
Urte nahiko erregularra egin du Amurrioko taldeak aurtengo denboraldian. Lehen jardunaldian lehen postuan kokatu ziren eta gaur arte ez dira bertatik mugitu, 12 puntuko aldea ere izan dute eta, lehen esan bezala, 9 puntuko errenta dute orain, hiru jardunaldiren faltan.
Klubaren bigarren taldea afizionatu Gorengoen mailara igotzeko aukerekin
Amurrio Club “B” taldeak ere, egun afizionatuen 1. erregional mailan jokatzen duen taldeak, mailaz igotzeko aukera du, hiru jardunaldiren faltan 3. doazelarik. Atzetik duen taldeari puntu bakarra ateratzen dio eta beraz gogor egin beharko dute lan geratzen diren partidetan.
Hurrengo urteari begira
Klubeko taldeak ondo doazela ikusita ideiak argi ditu Amurrioko taldeak hurrengo urteari begira. Hirugarren mailan irautea izango da lehen taldearen helburua eta taldeak izango dituen jokalarietaz aparte, amurrioarrez osatutako bigarren taldekideei aukera emango die talde nagusian jokatzeko, horrela herriko gazteek futbolaz gozatzeko aukera gehiago izan dezaten.