"Musuzapia" izenburu duen obrak irabazi du Amurrioko 2016ko jaietako kartel lehiaketa. Burrianako (Castelló) Juan Diego Ingelmo Benaventek diseinatu du irudia, 2014ko jaietako kartela ere egin zuenak. Bestetik, haurren kategoriako saria Sandra Villanueva Barrosoren lanak lortu du, "Gure helburua: Amurrioko jaiak" izena duen irudiari esker. Jaietako egitaraua jasoko duen aldizkariaren portada eta kontraportada ilustratuko dituzte irudiek, hurrenez hurren. Lehiaketa horretan, gainera, María Iturbe Rey eta Aitziber Aldama amurriarrak bi akzesit lortu dituzte.
Sarien banaketa
Ostiralean, hilak 6, jaietako kartel lehiaketa honen sariak banatuko dituzte. Egun horretatik aurrera, gainera, bi lehiaketetan hautatutako lanen erakusketa zabalduko dute eta hilak 29ra arte egongo dira ikusgai. Erakusketa hau ikusgai egongo da asteartetik ostiralera 10:00etatik 14:00etara eta 17:00etatik 19:00etara; larunbat eta igandeetan, berriz, 10:00etatik 14:00etara.
Amurrioko 2016ko jaietako kartel lehiaketa:
1. saria (800 €): Juan Diego Ingelmo Benavente (Burriana – Castelló)
Amurrioko 2016ko jaietako kontraportada lehiaketa:
1. saria (eskola materialean erabiltzeko 60€ ): Sandra Villanueva Barroso (12 urte, Amurrio).
1. akzesita (eskola materialean erabiltzeko 30€ ): María Iturbe Rey (11 urte, Amurrio).
2. akzesita (eskola materialean erabiltzeko 30€): Aitziber Aldama (9 urte, Amurrio).