Bilbon apirilaren 27tik 29ra ospatzen ari den Hiri eta Herri Jasangarrien 8. Europako Konferentziaren parte da Amurrio. ICLEI, Jasangarritasunerako Tokiko Gobernuen Nazioarteko Sareak buru duen konferentzia horrek Europako hirien jasangarritasuna eta aldaketa klimatikoa bezalako erronken inguruan hausnartzea du xede.
Jardunaldi horien programaren barruan, gaur Amurrion lantegi mugikor bat egingo dute udalerri txikien eraldaketa-gaitasunari lantzeko. Nazioarteko berrogeita hamar pertsona udalerrira bertaratuko dira, bertan martxan jarri diren esperientziak eta programak ezagutzeko.
Amurriok jasangarritasunaren aldeko hainbat hitzarmen sinatu ditu azken hamarkadetan, Aalborg Gutuna, Alkateen Hitzarmena edo Compact of Mayors izenekoa kasu. Hainbat sektorerekin modu koordinatuan lan egin du Udalak, eta hainbat esperientzia landu ditu; besteak beste, industria-ekologia, ingurune naturalaren kudeaketa multifuntzionala eta Aresketamendiko Energia Berriztagarrien Parkea.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
