aiaraldea.eus

Eskola zaharra Gizarte Etxe bilakatzeko lanak egingo dituzte

Erabiltzailearen aurpegia Erredakzioa   Jendartea  Amurrio  Amurrio: Larrinbe

Larrinbek proiektua diseinatu ditu obrak irakaslearen etxea eta eskola zaharra izandako eraikina herriko Gizarte Etxe bihurtzeko. Ia 500.000 euroko inbertsioa aurreikusi dute lanak bideratzeko. Aurten ekin nahi diote proiektua gauzatzeari.

Zaharberritze proiektu horren arabera, eraikin zaharraren aurreko aldea eta bolumetria osoa mantendu eta berrituko dute.

Larrinbek proiektua diseinatu ditu obrak irakaslearen etxea eta eskola zaharra izandako eraikina herriko Gizarte Etxe bihurtzeko. Ia 500.000 euroko inbertsioa aurreikusi dute lanak bideratzeko. Aurten ekin nahi diote proiektua gauzatzeari.

Zaharberritze proiektu horren arabera, eraikin zaharraren aurreko aldea eta bolumetria osoa mantendu eta berrituko dute.

Barrualdea eta teilatua, aldiz, eraitsiko dituzte banaketa berriarekin berriro eraikitzeko. Antolamendu berriarekin, eraikinaren erdisotoa biltegi modura erabiliko dute eta beheko solairuan Gizarte Etxea kokatuko dute.

Espazio horretan komunak egongo dira, sukaldea, erabilera anitzeko aretoa eta bilera gela. Gainera, sarreran lehenengo solairura igotzeko eskailerak eta igogailua jarriko dute.

Administrazio Batzarrak, baina, ez du oraindik zehaztu lehenengo solairu horren espazioaren erabilera. Kanpoko aldean eraikina inguratuko duen espaloia egingo dute.

Esleipen prozesuan

Proiektu horren lanak aurten hasteko helburuarekin, Administrazio Batzarrak badu lana gauzatzeko udal baimena eta adjudikazio fasean dago.

500.000 euroko inbertsioa behar du proiektuak. Horietatik 133.000 euro Arabako Obra eta Zerbitzuen Foru Planaren bitartez jaso dute.

Amurrioko Udalari zein Eusko Jaurlaritzari diru-laguntza eskatu dio Administrazio Batzarrak proiektua gauzatzeko.

XIX. mendeko eraikina

Herriko elizaren parean kokatuta dago eraikuntza. 252 metro karratu ditu, hiru solairuetan banatuta. Garai batean Larrinbeko irakaslearen etxea eta eskolak emateko espazioa hartzen zituen barruan. 1970. urtean berritu zuten XIX. mendeko eraikina lehenengoz.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa