Amurrioko Gazte Asanbladak 9. urteurrena ospatuko du datorren apirilaren 16an “Hesiak hesi, iraultzen hasi!” lelopean, egitarau oparoa antolatu dute horretarako.
Goizean zehar herriko enparantzan zentratuko da giroa. 11:00etan ekingo diote egunari 3x3 futbito txapelketarekin. 12:00etan umeentzako jolasak burutuko dituzte. 12:30etan Euskal Herriko garagardo azokari hasiera emango zaio, eta , ordu berean Uluka taldeak kontzertua eskainiko du. Horretaz gain, goiz osoan zehar momotxorroek animatuko dituzte Amurrioko kaleak eta pintxoak eskainiko dira txosnan.
Eguerdi partean, 14:30etan, herri bazkaria eskainiko dute San Anton Plazan. Tiketak dagoeneko salgai daude 10 eurotan Txokogorri tabernan. Tiketarekin batera ). urteurreneko kamiseta oparituko dute.
Arratsaldean gazte olinpiadak burutuko dituzte Askatasuna enparantzan. 19:30etan Fita Fiken kalejirak herriko kaleak girotuko ditu.
Egunari amaiera emateko kontzertu eskaintza zabalaz gozatzeko aukera egongo da 22:30etatik aurrera. Besteak beste, Pixontxis, Etenik Ez, Bad Sound System eta 9.urteurreneko abestia egin duen Patx&Run taldeak arituko dira oholtza gainean.
9. urteurreneko ospakizunak, ordea, ez dira apirilaren 16ra mugatuko. Apirilaren 8rako ere hainbat ekintza antolatu ditu Amurriko gazte Asanbladak Amurrioko Gaztetxean. 17:30etan Kortxoenea Gaztetxearen inguruko proiekzioa eta mahai ingurua antolatu dute. 21:30etan Basurde afariaz gozatzeko aukera egongo da eta gaua Sembrando Kaos eta Aiaraldeko Soinu Sistemaren kontzertuek luzatuko dute. Txokogorrin dago afarian izena emateko zerrenda.