ELA sindikatuak -ordezkari gehien daukana langile batzordean, alegia- exijituko dio Tubos Reunidos enpresako zuzendaritzari etorkizuna izango duen industri-plana; lanpostuak mantendu eta langileen baldintzen kalterako izango ez dena.
Erakundeak jakinarazi du atzo aurkeztutako espedientea apirilaren 17an jarriko dutela indarrean urtebetez eta murriztuko duela beharginen lanaldia %48an.
215 milioi euro irabazi eta 238 milioi banatu akziodunen artean
Sindikatuak gogoratu du azken bederatzi urteetan (2005-2015) Tubos Reunidosek 215 milioi euro irabazi dituela eta 238 milioi euro ordaindu dizkiela akziodunei.
Zentzu horretan, ELAk uste du kalte gehiago zor dezakeela espedienteak eta iragarri du: “Ez gaude estrategia jakin batzutan parte hartzeko prest: ez dugu promesa faltsu, limosna eta inguruko ehun industrialaren suntsipenik onartuko.”