Aurten ere “Antzerki arina” ekimena antolatu du Amurrioko Aimara antzerki taldeak. Martxoaren 19an izango da zita. 19:00etatik aurrera lau antzerki obra labur ikusteko aukera egongo da, herriko hainbat gunetan: San Antonen, La Casonan eta Kultur Etxean. Antzezlanak ikusi nahi dituzten herritarrak Kultur Etxera gerturatu beharko dira, eta hortik bideratuko zaie gainontzeko guneetara.
Obra bakoitza hiru aldizSarreren prezioa ikusi nahi diren obren araberakoa izango da. Lan bakar bat ikusi nahi duenak 4 euro ordaindu beharko ditu, bi ikusi nahi dituenak 6, hiru ikusi nahi dituenak 7 eta guztiak ikusi nahi dituenak, berriz, 8. Obra bakoitza hiru aldiz eskainiko da, hiru ordutegi ezberdinetan. Antzezlanen artean musikaz gozatzeko aukera egongo da, folk doinuak jorratzen dituen Urigan taldearen eskutik.
Hauek izango dira eskainiko diren obrak: "Amor breve en un acto vandálico", "Tu recuerdo me dejó frio", "Shalom Aleijem" eta "Delirios de grandeza".
Ordutegien gaineko informazio gehiago izateko klikatu hemen.