Bañuetaibar, Alkinar, Goikolarra, Landako, San Jose, Larrabe eta San Roqueko auzo batzarrak egin eta gero, udalak 100 proposamen baino gehiago jaso ditu.
Batzarrik jendetsuenak Goikolarra eta San Jaso auzoetakoak izan dira. Udalak nabarmendu du publikoaren profila hetereogenoa izan dela, baina gazte gutxi bertaratu zirela batzarretara.
Proposamenen artean hauek daude. Batetik udalerriko eremu batzuetan argiteria hobetzea eta bestetik, zenbait neurri ezartzea ibilgailuek Bañuetaibar, Landako, San Roque, Landaburu eta Félix Murga kaleetatik eta Larrabe kaletik Mendiko kalera zirkulatzean hartzen duten gehiegizko abiadura kontrolatzeko. Horrez gain, dute ibaira botatzen diren isuriak kontrolatzeko eta herritarrek tamaina handiko zaborra biltzeko zerbitzua behar bezala erabiltzea ere eskatu dute. San Roque auzoakoek uraren presioarekin duten arazoa azaldu zuten batzarrean, eta San Jose auzokoek taula kortxodun bat jartzeko eskatu zuten.
Udaleko sailek orain iradokizunak aztertuko dituzte eta horien balorazio teknikoa egingo dute. Ondoren, teknikoki bideragarriak diren proposamenen aurrekontu-ebaluazioa egingo da, eta, datu horiekin guztiekin, gauzatu ala ez erabaki.
Horrez gain, uztailean beste bilera bat egin behar dela aurreikusi du udalak, eskaeren egoera eta aurreikusitako jarduketak aztertzeko.