Martxoa Amurrioko Hiribilduaren XXXVII. Argazki Lehiaketa egiteko hilabetea izango da. Izan ere hilabetearen 1etik 31ra bidali ahal izango ditu jendeak argazkiak.
Bi modalitate ezberdin izango ditu bildumak, bata gai libreko argazkiena eta bestea, ordea, Amurrio eta giza paisaiari buruzkoena. Bi modalitateetan hiru argazki aurkeztu beharko dira. Parte hartzaile bakoitzak gehienez bi bilduma aurkeztu ahal izango ditu modalitate bakoitzean eta sari bakarra jaso ahal izango du. Edozein teknika edo prozedura onartzen da: digitala nahiz laborategikoa, zuri-beltzean edo koloretan. Hori bai, argazkia jpg formatuan eta 72 ppi-tasko bereizmenarekin aurkeztu beharko da.
Izena emateko www.amurrio.org/concursofotografico web guneko formularioa bete behar da.
Sariak
-
1. saria gai libreko 3 argazkien bildumarentzat: 400 € eta garaikurra
-
2. saria gai libreko 3 argazkien bildumarentzat: 200 € eta garaikurra
-
1. saria Amurriori buruzko 3 argazkien bildumarentzat: 800 € eta garaikurra
-
2. saria Amurriori buruzko 3 argazkien bildumarentzat: 200 € eta garaikurra
-
Publikoaren sari berezia: 200 € (Ekainaren 20an banatuko da)
Sari banaketa ekainaren 3an izango da 20:00ean “La Casona” erakusketa aretoan. Egun horretan bertan inauguratuko da ekainaren 27ra arte zabalik izango den erakusketa.