EAJko ordezkari politiko ugarik parte hartu dute Jesús de Galindez amurrioarrari egindako omenaldian. 10:00etan Aresketamendin elkartu dira jeltzaleak haritz bat landatzeko eta Jesus de Galindezen bizitza gogoratzeko.
Xabier Agirre arabarrak hartu du hitza eta omenduaren iloba den Flori de Galindezek ere hitz batzuk esan ditu bertaratuen aurrean.
11:30ean Mikel Legardak eta Almudena Otaolak abiatu dute San Anton plazan gauzatutako ekitaldi politikoa. Andoni Ortuzar EBBko lehendakaria ere mintzatu da, Kongresu eta Senatuko hautagai arabarraren ostean.
Guztiek goraipatu dute Jesus de Galindezek egindako lana guda zibilean.
Tokiko alkate eta zinegotzi jeltzaleak ez ezik, ekitaldiak hainbat ordezkari politiko ospetsu ere ekarri ditu: Iñaki Anasagasti, Estefania Beltran de Heredia Segurtasun Sailburua, Ramiro Gonzalez Arabako Ahaldun Nagusia eta Itxaso Atutxa besteak beste.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide