Arabako Bertsozale Elkarteak “Gu ere bertsotan” progama aurkeztu du eta Amurrioko 5 ikastetxeetan abiatuko dute. Amurrioko Udalak Lanbide Heziketako 5. mailako eta Derrigorrezko Bigarren Hezkuntzako 1. mailako ikasleen artean bertsoei buruzko gutxieneko ezagutzak hedatu nahi ditu.
Hori dela eta, Zabaleko Heziketa Ikastetxeak, Lukas Rey Hezkuntza Ikastetxeak, Virgen Niñak, Zaraobe Institutuak eta Aresketa Ikastolak programan aritzeko aukera izango dute. Proiektuak helburu ezberdinak ditu, bai gaitasunaren esparruan zein pertsona, ikastetxe edo herrian.
Gaitasunaren esparruan, batetik, bertsolaritza den kultur adierazpidearekiko oinarrizko ezagutza izatea da helburua. Bestetik, hizkuntza-komunikaziorako konpetentzia garatzea. Jende aurreko emanaldi bat gauzatzeko oinarrizko betekizunak ezagutzea eta egoki baliatzea ere helburuetako bat izango da eta nola ez, taldean harreman onak sustatzea.
Pertsonari dagokionez, bertsozaletasuna eta euskararekiko jarrera positiboa bultzatzea izango da xedea.
Bukatzeko, ikastetxean edo herrian bi helburu jorratuko dituzte, tokian bertsozaletasuna eta bertsolaritza zabaltzea eta Ikastetxetik kanpo haurrek jarraipena ematea zaletasun horri beren inguruan.