Arabako Foru Aldundiak, Amurrioko ur depositu berri baten eraikuntza esleitu du. Aurrekontuak 398.299,29 euro dituelarik, Construcciónes Moyua, S.L. enpresak egingo ditu eraikuntza lanak; lau hilabetean burutu beharko dira.
Hala, bada, Amurrioko ur-horniduraren egungo sistema osatu eta indartu egingo da, gaur egungoa ez baita nahikoa, batez ere, matxurak, konponketa edo garbiketak egin beharra edo suteak diren kasuetan.
Depositu berria Lexartzun egingo da, zaharraren ondoan, eta Izoriako EUAtik (Edateko Uren Araztegitik) egin beharreko eroapena ere sartzen da lanetan, bai eta Amurrioko banaketa sarearekiko lotura ere.
Bestalde, telekontroleko elementuak ezarriko dira, hornidura sistema guztia hobetzeko. Onartu den proiektu horretan ingurumena leheneratzea eta gune hartako paisaiarekiko integrazioa ere sartzen da. Obrek eragingo dute narriadura eta landaretza erasana leuntzeko zuzenketa neurriak aplikatzea da kontua. Azterlan bat eta diseinu bat egingo dira, gainera, landarerik onenak zeintzuk diren jakiteko, depositu berriaren paisaia integrazio egokiena eragiteko.