Amurrio Bidean-ek hiru ikastaro berri antolatu ditu enpresaren munduan jakitea ia beharrezkoak diren alorren inguruan. Bik ordenagailuen munduarekin dute zerikusia eta bestea, ordea, enpresa baten barne antolakuntzarekin.
Ordenagailuarekin zerikusia dutenak “Ostegun Digital” programaren barne daude. Batak PDF publikazio interaktiboak sortzea erakutsiko du eta besteak, interneti buruzko gaur egungo modernitate guztiak erakutsiko ditu. Lehenengoa dagoeneko hasi da eta 30 euroko kostua dauka. Bestea, aldiz, azaroaren 19an hasiko da eta doakoa izango da.
Hirugarren ikastaroak, enpresa batean hobekuntzak aurrera eraman ahal izateko aholkuak eta eman beharreko pausuak eskainiko ditu.
Azaroaren egun ezberdinetan gauzatuko da: 3, 10, 17 eta 24an eta abenduaren 1ean. Hori ere, doakoa izango da.
“(des-re :) Konekta!” topaketak
Enpresa ezberdinen arteko topaketak azaroaren 5ean egingo dira . Andoni Aldekoa, lehendakariaren aholkularia, izango da topaketen kolaboratzailea.
Horien helburua, lidergoaren esperientziak konpartitzea da eta besteek diotenetik ikastea. 2 orduko topaketak izango dira. 13:00etan abiatuko dira eta ondoren, 14:00etan, bazkaria. Interesa dutenek deitu 945891721 telefonora edo , bidali mezua empresa@amurriobidean.org helbidera