Urrian eta azaroan Amurrion Bidean-ek bi ikastaro ezberdin eskainiko ditu. Urrian biltegietako operazio laguntzaileen eta orga jasotzailearen maneiuko ikastaroa izango da. Azaroan, aldiz, etxetresna txikien konponketa eta mantenurako ikastaroa.
Ordutegi bera izango dute bi ikastaroek, goizeko 9:00tatik 14:00ak arte, alegia. Lehenengoa doaneko izango da, baina, etxetresna txikien konponketa eta mantenurako ikastaroak 32,40 euroko kostua izango du.
Biltegietako operazio laguntzaileen eta orga jasotzailearen maneiuko ikastaroa
100 orduko ikastaroa izango da eta urriaren 19tik azaroaren 13ra arte iraungo du. Hurrengo kontzeptuak bilduko ditu: biltegien kudeaketa, karga eta deskarga teknikak, orga jasotzailearekin operazioak, segurtasun eta lan osasuna. Izen emateko urriaren 7tik aurrera egin beharko da eta plaza kopuru mugatua izango du. Horietako hiru emakumeentzako izango da, gainera, Lanbiden apuntatu daudenak, Amurrion erroldatuak, eta horrelako ikastarorik egin ez dutenek lehentasuna izango dute.
Etxetresna txikien konponketa eta mantenurako ikastaroa
Ikastaro honek, ordea, 110 ordu izango ditu eta azaroren 16an hasi eta abenduaren 17an bukatuko da. Hurrengo kontzeptuak bilduko ditu: matxuren diagnostikoak, laneko arriskuen prebentzioa, etxetresna txikien mantenua eta ingurumenarekiko babesa. Azaroaren 4tik aurrera izango da izen ematea eta aurreko ikastaroko lehentasun berdinak egongo dira honetarako ere.