Amurrioko udala Aialako Koadrilarekin batera sei hilabetetako bi enplegu programa sortu ditu. Horri esker, Amurrion erroldatuta dauden 10 pertsona kontratatuko ditu.
Programetako bat udaleko instalazioen mantenu eta zaintze lanaz arduratuko da. Horretarako 5 langile eta langileburu bat kontratatuko dituzte. Bestea, ordea, basoaren mantenu eta zaintza lanerako programa izango da. Hori dela eta, hiru langile eta langileburu bat kontratuko dute.
Kontratatutako pertsonek Lanbiden apuntatuta egon beharko dute. Horrez gain, baldintza hauetako bat bete beharko dute: RGI-jasotzailea izan, 35 urte baino gutxiago izan, 45 urte baino gehiagokoek 6 hilabete baino gehiagotan Lanbiden apuntatuta egotea, langabezian iraupen luzez apuntatuta eraman (gutxienez 12 hilabete), 55 urte baino gehiagoko pertsonak, gizarte bazterketa jasotzeko arriskuan egon, minusbaliotasunen bat izan, familiarekiko ardura handia duten emakumeak eta genero indarkeria jasan duten emakumeek.
Izen emateak
Gizonezko eta emakumezkoen berdintasuna edo diskriminazio eza emateko gutxienez %40a emakumeentzako lan postuak izango dira. %15 ordea 55 urte baino gehiagoko pertsonentzat izango da. Izena emateko Lanbidek argitaratu duen eskaintzan izena eman behar da.