Aiarako Koadrilan, arropa botatzeko edukiontziak kendu dituzte. Horien ordez, berrerabiltzerako gauzak bota ahal izateko beste edukiontzi berri batzuk jarri ditu udalak.
Eskualdean 24 puntu jarri dituzte guztira. Amurrion adibidez 4 dira edukiontzi horiek Araba, Armurubenta, Iturralde eta Armurulanda-Eloxondon kaleetan kokatuak, hain zuzen.
Edukiontzietan tratamendu berezi bat pasa ondoren berrerabili ahal izango den edozein gauza bota daiteke, hala nola, jostailuak, liburuak, etxeko tresnak, arropa, oinetakoak... Hau da, etxean erabili gabe egon daitezkeen eta zaborra sortzen duten hainbat gauza bota daitezke.
Arabako Foru Aldundiak eta Rezikleta-Kooperak kudeatuko dute zerbitzua eta gauzak birziklatu ez ezik, lanpostu berriak sortuko dituzte.
Edukiontzien kokapen guztiak
Hurrengo lekutan kokatu ditu Koadrilak 24 edukiontziak:
Laudio (12)
- Garbigunea.
- Zumalakarregi 18 eta 40.
- Txindoki kalea.
- Gardeako eleizaren ondoan
- Ugarteko kioskoa.
- Aretako estankoa (Areta kalea).
- Aretako semaforaren ondoan.
- Jose Matia (tren geltokiaren aurrekaldean).
- Latiorro eskola.
- Landaluze kalea ( okindegiaren alboan).
- Ardantza zahar kalea (institutuaren atzekaldea).
Amurrio (5)
- Garbigunea.
- Araba kalea.
- Intxaurdi kalea.
- Foruen kalea.
- Iturralde kalea.
Aiara (3)
- Luioandoko estankoaren ondoan.
- Menagaraiko bidegurutzea.
- Arespalditzako feriala.
Artziniega (2)
- El Palacio urbanizazioa.
- Frontoia.
Okondo (2)
- Garaikoetxea etorbidea.
- Frontoiaren aurrekaldea.