Urriaren 4an izango da ikastolen aldeko Kilometroak jaia. Aurten Usurbilen izango da eta Amurrioko eta Laudioko udalek, bertaratzeko autobus zerbitzua jarriko dute.
Gehienez lau autobus aterako dira Amurriotik. Irteera 9:15ean izango da Araba kaletik eta itzulera, ordea, 19:00ean. Laudiotik 09:30ean aterako dira ibilgailuak institutuaren aurreko bus-geltokitik. Txartelen prezioa 8 eurokoa da eta irailaren 28 tik aurrera Kultur Etxean eskuratu ahal izango dira.
Laudioren kasuan udal euskara zerbitzuarekin harremanetan jarriz -944 034 890- eros daitezke tiketak.
Kilometroak 2015
Aurten Udarregi Ikastolak antolatzen du Kilometroak. Ikastetxe honek 700 ikasle ditu eta 1968an zabaldu zituen ateak. Egun osoko egitaraua antolatu dute, 9:30ean izango da zabaltze ekitaldia eta momentu horretatik aurrera irekita egongo da 5 kilometro eskaseko ibilbidea. Bost gunetan banatuko dute Usurbil. Ekintzen artean hauek dira nabarmenak: Erronka jolasaren frogak, umeentzako antzerkiak eta tailerrak... Kontzertuen artean, aldiz: Oxabi erromeria, Skakeitan, Betagarri, Eskean Kristo, Lain, Anai-Arrebak, Hesian, Oreka TX...