Atzo Amurrio eta Okondoko udalbatzetan Askapenaren aldeko mozioak onartu zituzten. Okondon aho batez babestu zuten alderdiek testua -Okondo Aurrera, EAJ eta EH Bildu, alegia- eta Amurrion Orain Amurrio, PSE-EE eta EH Bildu taldeek alde bozkatu zuten. EAJ eta Amurrio Guk Bai abstenitu ziren eta PPk, aldiz, aurka bozkatu zuen.
Amurrion arazo bat egon zen prozedura aldetik. Nahiz eta Askapenako kideek iraila hasieran egin zuten mozioa eztabaidatzeko eskaera, argitu gabeko arrazoi bat dela medio, testua ez zen alkatearen ezta alderdien eskuetara heldu.
Atzo Amurrio eta Okondoko udalbatzetan Askapenaren aldeko mozioak onartu zituzten. Okondon aho batez babestu zuten alderdiek testua -Okondo Aurrera, EAJ eta EH Bildu, alegia- eta Amurrion Orain Amurrio, PSE-EE eta EH Bildu taldeek alde bozkatu zuten. EAJ eta Amurrio Guk Bai abstenitu ziren eta PPk, aldiz, aurka bozkatu zuen.
Amurrion arazo bat egon zen prozedura aldetik. Nahiz eta Askapenako kideek iraila hasieran egin zuten mozioa eztabaidatzeko eskaera, argitu gabeko arrazoi bat dela medio, testua ez zen alkatearen ezta alderdien eskuetara heldu.
Horren ondorioz EH Bilduk txertatu zuen udalbatzan gaia azken momentuan. Hori dela eta Amurrio Guk Bai eta EAJ abstenitu ziren, mozioa sakontasunez lantzeko aukerarik ez zutela izan argudiatuz. PSE-EEko zinegotziak -Irene Novales- gauza bera azaldu zuen, baina testuaren ideia orokorrekin -internazionalismoa, giza eskubideen defentsa...- bat egiten zuenez, babesa eman zion.
Mozioaren edukia
Atzo onartutako testuak Entzutegi Nazionalak Askapena, Askapeña konpartsa eta Elkartruke elkartea legez kanpo uzteko asmoa daukala salatzen du. Aldi berean, Askapenako 5 militantek 6 urteko kartzela zigorrei aurre egin behar dietela gaitzesten du.
Akusazio horien guztien harira absoluzioa eskatzen du testuak.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
